搞事日日記Mirror

今日係2007年第一日,希望大家有一個好開始,黎緊一年事事順利!!!!!!

昨日全日唔出街,安坐家中睇一擲千金,魔術師真係好醒,廿幾萬拎錢走,結果後來佢揀中幾千!!!!!!
之後12點就倒數,就開始拆禮物,所謂禮物其實係兩個買左未拆的B女!!!!!兩個同一日出世,好有意思!!!!!!

今日下午出左街,不過遇到4件事搞到我幾乎想鬧人!!!!!不過1月1日,我想以和為貴!!!!!
首自今日係約左人交收,不過下午都未打比我,我咪打比佢囉!!!!佢話5點半交收!!!!!
其實前幾日已經想鬧佢,因為佢約左我交收,結果去到打比佢又話唔得!!!!!結果係晒時間晒車費!!!!!
佢唔得閒都應該要早d講啦,大姐呀!!!!!已經就晒你去沙田,你估我真係好得閒????唔黎至少早d講啦!!!!到我打比你先話唔得,玩野咩????

睇下時間,2點幾,去左Delifrance食個tea先,之後又有兩件好想鬧人的事:
話說買完野之後去搵位,見到卡位一對非常痴纏(兼夾痴線)的情侶,我本來唔想坐係個度,不過有一個店員見到,就走埋卡位度,示意我坐埋去!!!!!
結果我就比個對痴線男女怒啤,好似係我阻住佢地咁!!!!!!佢地算咩意思????而家係佢地阻人,唔係我阻佢地!!!!唔好睇到自己有幾咁理直氣壯!!!!!拍拖無罪,但係都要顧及別人感受!!!!!!
我當然死都唔去個邊,之後見到隔離有人走,即刻搬野過去!!!!!!!
最後有一位阿叔話之佢地三七廿一坐埋去,佢地先以極速食左件擺左唔知幾耐,又無食過的cheesecake,之後又極速走人!!!!!!
我係坐低之後,發現唔記得囉叉,想示意店員幫我,不過又無人睬我,結果又要自己黎!!!!!!
真係唔知請呢d人做咩????
本來想坐耐d,不過因為以上兩件事影響心情,匆匆食完走人!!!!!!

之後去周圍無聊,係聯合買左協志封面的雜誌!!!!!!!可能我鍾意5566都係因為協志,之前56封面都唔買,一見協志封面先買!!!!!!
差不多時間就去沙田,第四件氣憤事出現!!!!!!
交收個位其實係識的,不過估唔到佢比B女我好似比舊垃圾我咁!!!!!我知佢好趕時間,但係都唔好趕到咁求其!!!!!!
作為賣家,態度好緊要,對人,對物品足以影響buyer對賣家印象!!!!!!雖然同佢係識,不過佢咁樣我仲點有信心同佢再交易??????

不過講番佢個B女,早已經預左佢咁架啦!!!!!不過又未至於無得救,睇黎今次又可以大改一番!!!!!我相信佢會係我改得最成功的B!!!!!!!